搜尋此網誌

2012年6月16日星期六

牛市來臨嗎?

越是接近希臘國會大選,原本不明朗的因素,全世界突然變得歌舞昇平,風眼地區股市更表現興奮,前天希臘股市升10%,昨天再升1%,意、德、法、西班牙股市均有1至2%升幅,歐元兌美元上升,美國股市連日來都在升,昨天上升0.91%,港股昨天升425點(2.26%),全世界的升市原因是憧憬各國央行聯手救市,似是愈墮落愈快樂!不禁令人問:「牛市來臨嗎?」我也想問:「泵水變成了神仙水SK II,全效活能各國經濟,幫各國股市長保青春嗎?」(我都好想知SK II是否可幫女人撫平皺紋?有冇女人試過可以代答?)

撇開希臘大選的結果不談,實情是結果如何也不重要。現在的情況,令筆者想起去年曾財爺在財政預算案宣佈派$6000的境況,市民翌日巳預定機票外遊,很多人未收到錢巳經使突了。又舉另一個例子,2007年股市大升,全民皆股,很多人沒有真正賣股賺錢,巳經跟人說賺了幾多幾多錢,今餐我請!不要跟我爭!

人性就是這樣,使錢講氣氛,懶理真正現實!說到這裡,大家明白我的意思嗎?升市只需講概念,人不到真正見棺材,不會流眼淚!即是當大家真正見到現實的時侯,才是真正的熊市來臨!那即是幾時?哈!哈!唔講你知,自己諗!問你一條簡單問題:「如果你是大戶,你會揀哪個時侯出貨?」

10 則留言:

  1. 呵呵~ 我好難冇用咩神仙水.. 不過有朋友有用真係幾得嫁喎 XD

    回覆刪除
  2. 另我覺基礎因素無變, 小心為上囉 ;p

    回覆刪除
  3. 早晨亂博sir, 期待你講我知,哈哈,另外請問亂博Sir有冇睇林鄭月娥建議取消J丁權問題?你覚得可行嗎?

    回覆刪除
    回覆
    1. 好耐冇見!林鄭冇講錯喎!丁權補償係英國佬同佢地嘅協議,唔係中央喎,其實可以係97主權回歸時唔認數,俾你50年不變已經是欣踤

      刪除
  4. SKII神仙水,我用就唔係好WORK,用完皮膚會敏感。但我的朋友說用後皮膚的確好好,不過要持續要用,唔用皮膚會打會原型或有可能會變差。

    回覆刪除
    回覆
    1. 原來真係同QE差唔多,要Keep住用,咁死囉!

      刪除

請留回應!